I

Matang dilat sa puyat

Lumabnaw na yata ang utak

Ilang ulit ginamit tsaang mistula ng anemik

Inabutan sa pagsabog muli ng liwanag

Doon sa upuang nagtitiyaga

Uminit na ang puwit

Na kasing-init ng bombilyang

magdamag na nakatunganga

Upang pagbigyan...

kanyang pagkahumaling, ba o ?

pagmamahal sa panulat?

Ah! pag-ibig ito sa sining na hinabi

Sa hibla ng puting papel at bolpeng itim

II

Rebelasyong uulit-ulitin

Insomyak na mata di pupunahin

Sa sining na kakaulayawin

Ang kamay ng orasan at tipa ng minuto

Sa manunulat walang pagbabago

COPYRIGHT RESERVED TO THE AUTHOR. PERMISSION REQUIRED TO REPRODUCE.