Oo nga pala...

binuksan na naman muli, pahina sa maraming taon kong ipinalagi

yung nagdaang mga taon ng tagumpay at pagkadismaya

bibitbitin ko ba? o ititiklop ko na lang at di na bubuksan pa?

ngunit paano nga ba...?

mahirap mabatid ang hinaharap, kung ang kahapon di ko man lang malingap

pagkatuto ko di matutunton, kapag mata di ko man lang inilingon

tiyak may aral na kapupulutan at sinag pa ring masusulyapan

sa ibayo nang nakaraan, di ko man kailangan ng tingnan

ganito siguro...

ipagpapasalamat ko na lang kaya, mga biyayang sa taas ay tinamasa

yung pagkadismaya at kabiguang natamo

ihahagis ko na lang at ipapatianod sa agos

ganun din ang bitbit na himutok

iiwan ko na lang at lalagyan ng tuldok.

COPYRIGHT RESERVED TO THE AUTHOR. PERMISSION REQUIRED TO REPRODUCE.